एमसीसी अनुमोदनको ढिलाई २ करोड ३० लाख नेपालीको आर्थिक बृद्धिको ढिलाई:अमेरिकी दुतावास

 

ललितपुर । नेपालस्थित अमेरिकी दुतावासले एमसीसीको संसदबाट अनुमोदन गर्न ढिलाई गर्नु २ करोड ३० लाख नेपालीहरुलाई रोजगारी र थप आर्थिक बृद्धिको बढोत्तरीमा ढिलाई भएको जनाएको छ । एमसीसी अनुमोदनको लागि दोश्रो प्रतिबद्धता मिति सकिने अघिल्लो दिन सोमबार विज्ञप्ती जारी गर्दै दुतावासले यो अनुदान स्वीकार गर्ने नगर्ने नेपालको विषय भए पनि यो सधै खुल्ला नहुने बताएको छ ।
एमसीसी परियोजनाले प्रत्यक्ष अप्रत्यक्ष २ करोड ३० लाख नेपालीलाई लाभ गर्ने जनाउँदै अमेरिकी दुतावासले ३० देशसंग १३ अर्ब हाराहारीका दशौं करोडका ३७ परियोजना सम्पन्न गरेको उल्लेख गर्दै दोश्रो चरणमा समेत माग भईरहेको जनाएको छ ।
नेपाल र अमेरिकाविचको ७३ वर्षदेखिको सम्बन्धलाई समेत दुतावासले विज्ञप्तीमार्फत स्मरण गरेको छ ।
हेर्नुहोस् विज्ञप्ती

एमसीसीको अनुमोदन नेपालको संसद्‍बाट भइनसकेको ’BOUTमा अमेरिका जानकार छ । दुई देशले सेप्टेम्बर २०१७ मा हस्ताक्षर गरेको र नेपालले सेप्टेम्बर २०१९ भित्र अनुमोदन गर्ने प्रतिबद्धता जनाएको यस ५० करोड डलरको अनुदानलाई अगाडी बढाउन आवश्यक अघिल्लो कदम अनुमोदन हो । अनुमोदनमा ढिलाइ गर्नुको मतलब झन्डै २ करोड ३० लाख नेपालीलाई थप रोजगारी तथा आर्थिक वृद्धिमा बढोत्तरीका फाइदा दिलाउनमा ढिलाइ गर्नु हो । यो अनुदान स्वीकार गर्नु नेपालको रोजाइको विषय हो तर यस अन्तर्गतको कोषको उपलब्धता सधैँ खुला रहँदैन । यो कार्यक्रमको व्यावहारिकताको निरन्तरता सुनिश्चित गर्न नेपालमा ठोस, निकटवर्ती कदम जरुरी छन् ।

यो सम्झौताका कार्यक्रम विकास गर्न सबै प्रमुख राजनीतिक दलका प्रतिनिधित्व भएका विविध सरकारहरू अन्तर्गत नेपाल सरकार र एमसीसीले सन् २०१२ देखि लगातार सँगै मिलेर काम गरेका छन् । यस सम्झौताले विद्युत् प्रसारण पूर्वाधारको निर्माण र सडक मर्मतसम्भारका क्रियाकलाप गरेर २ करोड ३० लाख नेपालीलाई प्रत्यक्ष रूपमा लाभान्वित गर्नेछ एमसीसीको सहयोग प्राप्‍त हुने यी परियोजनाहरू नेपालले नेपाली जनतालाई लाभ हुने गरी तीन वर्षको समयावधिमा पहिचान गरी तयार गरेको हो ।

एमसीसी एक कटिबद्ध साझेदार हो जसले विश्वभरका झन्डै ३० देशसँग कुल १३ अर्ब बराबरको दसौँ करोडका ३७ वटा अनुदान सम्झौतामा सफलतापूर्वक साझेदारी गरिसकेको छ । यी अनुदानले लगानी तथा आर्थिक विकासलाई उत्प्रेरित गरी दसौँ लाख मानिसलाई गरिबीबाट माथि उठाउन सहयोग गरेका छन् र साझेदार देशका सार्वभौमिकतामा टेवा पुर्‍याएका छन् । अनुदानका निम्ति योग्य प्रत्येक देशले दोस्रो अनुदानको लागि आग्रह समेत गरेका छन् । विकास साझेदारका रूपमा एमसीसीको पारदर्शिता पनि विश्वभर परिचित छ र यस वर्ष एससीसीले एक पटक फेरि सहयोग पारदर्शिता सूचकाङ्क (एड ट्रान्सपरेन्सी इन्डेक्स) मा शीर्ष द्विपक्षीय दाताको स्थान हासिल गरेको छ ।

अमेरिका र नेपालबिचको ७३ वर्ष लामो साझेदारीमा दुवै देशको हित हुने गरी विभिन्न क्षेत्रमा सफल सहकार्य भएका छन् । नेपालीको नेतृत्व रहने एमसीसी सम्झौता अन्तर्गतका परियोजनाले आर्थिक वृद्धिका माध्यमबाट गरिबी न्यूनीकरणमा मद्दत गर्नेछन् ।